ТРЕНИНГ ОНКОЛОГИЯДАҒЫ ЛОКОРЕГИОНАРЛЫҚ ЕМДЕУ ӘДІСТЕРІНЕ НЕГІЗДЕЛГЕН

Қойылған мақсатқа қол жеткізу халыққа медициналық көмектің сапасын, қолжетімділігін және сабақтастығын жақсарту, медициналық көмек жүйесін үздіксіз жетілдіру, медициналық персоналдың білімін үнемі жаңарту және жетілдіру және ғылыми дәлелденген тиімділікпен емдеудің жаңа технологияларын енгізу арқылы жүзеге асырылады.Қазіргі уақытта хирургиялық көмек жоғары мамандандырылған көмек деңгейінде көрсетіледі, қатерлі ісіктердің әртүрлі локализациясында барлық типтік онкологиялық операциялар жасалады. 2018 жылы емдеудің инновациялық, жоғары технологиялық әдісін – бауыр, бүйрек, өкпе ісіктерін радиожиілік абляциясын енгізу арқылы көрсетілетін жоғары мамандандырылған қызметтер тізбесін кеңейту жоспарлануда.

Қарағанды қаласында «Облыстық онкологиялық диспансер» МКК базасында 2018 жылғы 25 мамырда Онкологиядағы локорегионарлық емдеу әдістерінің негіздеріне тренинг өткізілді.  Паренхималық оган ісіктерін емдеудің жоғары тиімді, аз инвазивті әдістерінің бірі-радиожиілікті абляция.

Радиожиілікті абляция-бұл ісік жасушаларын жоғары температураға дейін қыздыру және соның салдарынан олардың өлуі жүретін жоғары энергиялы радиотолқындардың көмегімен ісік тінін жою әдісі. Хирургиялық емдеуге балама бола отырып, радикалды емдеуге жатады. RFA процедураның қарапайымдылығымен және қысқа мерзімділігімен, асқынулардың аздығымен және өлімнің төмендігімен, коагуляцияланатын тіннің үлкен көлемімен тартады.  RFA әдісін бауырда ғана емес, сонымен қатар бүйректің, өкпенің, сүйектердің, бүйрек үсті бездерінің және басқа органдардың қатерлі ісіктерінде де қолдануға болады

Тренингті жоғары санатты интервенциялық рентгенолог Малаев Нияз Бейсенұлы жүргізді, тренингте бауырдың, бүйректің, өкпенің, сүйектің және қалқанша безінің қатерлі ісіктері бар пациенттерде радиожиілікті абляцияны жүргізудің теориялық негіздері, тіндерге радиожиілікті абляцияның әсер етуінің биофизикалық негіздері мен механизмдері, процедураға көрсеткіштер, қарсы көрсеткіштер, пациенттерді операциядан кейінгі басқару тактикасы жарияланды.   Демонстрациялық материалда, іс жүзінде аппарат жұмысының негізгі принциптері зерделенді, рәсімді өткізу әдістемесі пысықталды. Қатерлі ісіктерді ерте анықтау, онкопатологиядан болатын өлім-жітімді төмендету онкологиялық қызметтің жұмыс сапасының және мақсатқа жетудің көрсеткіштері болып табылады

Емдеудің жаңа технологияларын дамыту арқылы біз емделушілердің емделу сапасы мен өмір сүру ұзақтығын арттыруға қол жеткізсек, мақсатқа жетеміз.